Presidenti amerikan Donald Trump thotë se Europa është pllakosur nga pandemia e koronavirsit, teksa shifrat e infektimeve ditore kanë arritur në nivele shqetësuese në shumë shtete.
Përmes një postimi në Twitter, Trump aludon se “lajmet e rreme” janë munduar ta paraqesin situatën në Europë si nën kontroll dhe të menaxhuar mirë, për ta bërë SHBA-në të duket keq.
Trump, i cili u infektua me koronavirus disa ditë më parë, është kritikuar nga rivalët politikë për keqmenaxhim, neglizhencë të pandemisë së koronavirusit.
Reagimi i Trump vjen në një kohë kur Franca, Spanja, Gjermania dhe Britania kanë paralajmëruar masa të forta shtrënguese anti-covid.
Presidenti i SHBA i bën thirrje qytetarëve të qëndrojnë “të fortë dhe vigjilentë, do të vazhdojë rrjedhën e saj. Por vaksina dhe kura do të vijnë shumë shpejtë”, shprehet Trump.
