Konfirmohet në Shtetet e Bashkuara të Amerikës viktima e parë me koronavirus, në Washington.Burimet e shëndetit publik amerikan ka njoftuar se është regjistruar rasti i parë i infektuar në New York.
Burri që ka vdekur të shtunën ishte 70 vjeç dhe ishte i sëmurë, sipas zyrës së King, zona me më shumë banore, rreth 700.000, në Seattle. Në brigjet përballë, pikërisht në New York është konfirmuar rasti i parë pozitiv.
“Pacientja është një grua rreth 30-vjeç dhe e ka marrë virusin teksa ishte për një udhëtim në Iran dhe aktualisht qëndron e izoluar në shtëpinë e saj”, ka thënë dje në mbrëmje guvernatori Andrew Cuomo, që shton që pacientja nuk është në kushte të rënda shëndetësore dhe është në kontroll që kur ka mbërritur në New York.
