Në shumë vende të botës shqetësimi më i madh ose detyra parësore është ulja e numrit të të prekurve nga pandemia e Covid-19 dhe e viktimave që nuk mundën t’i shpëtonin dot atij.
Secili vend është në zbatim të strategjive të tyre të ndryshme për të arritur qëllimin e uljes së bilanceve negative që shkakton ky virus tek popullsia.
Një ndër to, Italia ka regjistruar 12,074 persona të infektuar dhe 369 viktima, në 24 orët e fundit. Këto shifra tregojnë një rritje nga një ditë më parë, ku ajo raportoi 10.386 të infektuar.
Që prej nisjes së pandemisë janë infektuar me Covid-19 2.268.253 persona dhe janë shpallur të vdekur 94.540 të tjerë. Ndërsa Anglia sot arrin 12,718 të prekur nga Covid-19 dhe 738 viktima.
Deri më tani Anglia ka regjistruar në total 4,071,185 persona të infektuar nga virusi dhe 118,933 viktima.
