Dy shqiptarë kanë rënë në prangat e policisë italiane në Milano pasi akuzohen për vjedhjen e sendeve me vlerë si ora, stilolapsa, para etj.
Mësohet se dy të arrestuarit janë shtetasit Altin Loku dhe Gjok Lleshi. Ata u arrestuan në flagrancë ndërsa në makinë ju gjetën bizhuteri, monedha dhe veshje.
Dy shqiptarët tashmë janë arrestuar, ndërsa ndaj tyre janë vërtetuar disa vjedhje të kryera në disa provinca të Italisë.
Ata dyshohet se kanë vjedhur më 25 shkurt në Colorno, 27 korrik në Parma, 25 nëntor në Monticelli, 10 dhjetor në Mezzani, më 14 dhjetor në Parma dhe më 19 dhjetor, në San Siro, Milano.
Policia italiane njofton se kushdo që është pronari i objekteve të gjetura të vjedhura, mund të kontaktojë, që sendet të kthehen tek pronarët.
