31-vjeçarja shqiptare që besohet se është përgjegjëse për të ndihmuar në transportin e emigrantëve në Britaninë e Madhe me gomone, është arrestuar në një hetim të Agjencisë Kombëtare të Krimit.
Ndërkohë së fundmi mediat britanike kanë publikuar edhe pamjet nga momenti i arrestimit, ku e reja shqiptare, emri i të cilës nuk bëhet i ditur, tenton të fshehë fytyrën nga kamerat.
Ky është operacioni i tretë i madh i kryer javët e fundit ku përfshihen shqiptarë në trafikim njerëzor, njëri prej tyre i kryer në Bilbao dhe Santander dhe të gjithë me të njëjtin destinacion në ishujt Britanikë.
Arrestimi i fundit nga NCA u bë në Oxfordshire. E dyshuara 31-vjeçare u arrestua mëngjesin e 19 tetorit , në një adresë në Banbury, e dyshuar për lehtësimin e emigracionit të paligjshëm, për çka është ndaluar për t’u marrë në pyetje.
