Vetëkarantinohet në shtëpi tregtari me 4 familjarët e tij, kishte ardhur nga Italia

Ditën e sotme, një tregtar bashkë më familjen e tij janë vetëizoluar në karantinë shtëpiake në qytetin e Përmetit pasi sapo ishin kthyer nga Italia përmes Aeroportit të Rinasit.
Bëhet fjalë për S.P 49 vjeç të cilit i është sugjeruar nga ISHSH Gjirokaster dhe Policia e Përmetit të vetëkarantinohej në ambjentet e shtëpisë së bashku me katër pjestarët e tjerë të familjes.
Njëkohësisht ai ka ulur edhe qepenat e supermarketit të tij në qytetin e Përmetit për të parandaluar çdo rrezik të mundshëm kundrejt klientëve të tij.