Pas përplasjes për Gjykatën Kushtetuese, Presidenti Ilir Meta do të vërë në zbatim një aksion politik për situatën dramatike ku ndodhet vendi. Mësohet se Meta ka në plan të zhvillojë takime me kryetarët e partive parlamentare që braktisën Kuvendin në shkurt të këtij viti.
Zëdhënësi i Presidentit, Tedi Blushi nuk përjashton edhe iniciativa dhe vendime të tjera të rëndësishme.
“Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019, për të diskutuar lidhur me situatën dramatike ku ndodhet vendi. Padyshim do të ketë edhe të tjera inisiativa, vendime dhe takime shumë të rëndësishme!”, është shprehur Tedi Blushi.
