Bashkia e Tiranës ka zhvilluar sot gara me biçikleta “Shtegu 2017”, ku çiklistë amatorë dhe profesionistë, u bënë pjesë e itinerarit çiklistik. Kryetari i Bashkisë së Tiranës, Erion Veliaj, i cili tha se ky aktivitet është një mënyrë që banorët e zonave rurale ku kalon ky tur çiklistik të përfitojnë nga turizmi.
Kryebashkiaku garantoi se Bashkia e Tiranës do të jetë mbështetëse e aktiviteteve të tilla.
Veliaj deklaroi se me aprovimin e planit të ri vendor, Bashkia e Tiranës do të investojë këtë vit në ndërtimin e 10km korsi të dedikuara për biçikletat në kryeqytet.
“Më vjen mirë që vetëm para pak ditësh, sapo aprovuam planin e biçikletave në qytet dhe më vjen mirë që shumë prej kompanive apo aktivistëve të biçikletave janë sot të pranishëm. Do të investojmë këtë vit 10 kilometrat e para të biçikletave të mbrojtura në korridore të sigurta për qytetin e Tiranës dhe besoj që kjo e bën diferencën”, tha Veliaj.
