Tema e rritjes së çmimit për ujin e pijshëm është në qendër të diskutimeve gjatë ditëve të fundit, ndërsa qytetarë të shumtë kanë paralajmëruar protesta gjatë ditës së sotme.
Për këtë çështje ka reaguar edhe Petrit Vasili, i cili deklaron se uji i pijshëm mungon edhe në qendër të Tiranës ndaj projekti i bashkisë duhet të bëhet publik për qytetarët, të cilët, sipas tij, kanë të drejtë të dinë çfarë bëhet me paratë e tyre.
Vasili shton se qeveria duhet të heqë dorë nga shpenzimet për fasada dhe të investojë për ujin e pijshëm.
Ai shton më tej se këshilltarët e LSI janë të pozicionuar qartë përkrah shtresave në nevojë.
“Qytetarët kërkojnë zgjidhje për ujin e pijshëm, që mungon edhe në qendër të Tiranës.
Projekti i plotë i bashkisë për ujin e pijshëm të bëhet transparent dhe publik për të gjithë qytetarët.
Kushdo ka të drejtë të dijë deri në një ç’do të bëhet me ujin dhe paratë që paguajnë qytetarët për të.
Qeveria shqiptare të heqë dorë nga shpenzimet për fasada dhe të investojë për ujin e pijshëm, që është minimumi i normalitetit për jetën e njerëzve.
Këshilltarët bashkiakë të LSI-së, shumë të qartë në krah të shtresave në nevojë”, ka shkruar Vasili në një postim në profiling e tij në Facebook.
