Ministri i Jashtëm i Greqisë Nikos Kotzias ka deklaruar mbrëmë gjatë një interviste se është arritur marrëveshja për kufirin detar me Shqipërinë.
Petrit Vasili e ka komentuar zgjerimin e ujërave grekë me 12 milje si gënjeshtrën e radhës së kreut të qeverisë.
“Kryeministri u çorr për kufirin detar me Greqinë, tani të largohet se gënjeu. Kryeministri ka klithur e ulëritur deri në neveri për çështjen e kufirit detar me Greqinë. Gjeti edhe tradhtarë e armiq të popullit. Po sot të gjithë mësuam se ujërat greke do të zgjerohen me 12 milje. Përfundimisht ky kryeministër mbetet gënjështar pa shërim sic gënjeu edhe për çështjen çame. Ka vetëm një këshillë lidhur me këtë individ, që është sinonim i gënjeshtrës: MOS E BESONI!”, ka shkruar Petrit Vasili në profilin e tij në Facebook.
