Një nga zërat më të fortë opozitarë kundër qeverisë Rama, kreu i grupit parlamentar të LSI-së, Petrit Vasili vijon të sulmojë ashpër kryeministrin.
Përmes një postimi në rrjetin social Facebook, Vasili thotë që pas Triestes edhe Franca vlerësoi Ramën me notën zero, pasi Shqipëria ka numrin më të madh të azilkërkusve në atë vend.
Sipas Vasilit pas një mali me zero Rama ndoshta s’do ketë rrugë tjetër veçse të shkrijë edhe Kryeministrinë siç bëri me ALUIZNI-n në Berat.
“Një tjetër vlerësim zero për kryeministrin, nga Franca. Një tjetër zero pas asaj nga Trieste dhe nga SHBA. Shqiptarët të parët për numrin e azilkërkuesve në Francë, më tepër nga Siria, Sudani, Afganistani, që janë në luftë. Populli shqiptar do të ikë e jo të bëjë aleancë me kryeministrin. Një mal me zero për kryeministrin. Ç’do të bëjë ai tani? A do e shkrijë Kryeministrinë si ALUIZNI-n në Berat?”, ka shkruar Vasili.
