Nënkryetari i LSI, Petrit Vasili, ka reaguar pas fjalimeve të njëpasnjëshme të kryeministrit lidhur me tërmetet në vend.
Vasili shkruan në Facebook se situata kaq e rëndë, që po kalojnë shqiptarët nuk ka nevojë për demostrime cinike dhe neurotike aktrimi të kryeministrit, pra nuk na duhen fjalime por veprimeeee.
Postimi i plotë
Kryeministër tërmeti kërkon veprime jo fjalime!
Situata është shumë e rëndë.
Dëmet shumë të mëdha.
Zgjidhja kërkon organizim financim dhe veprime efikase.
Kryeministri po bën fjalime dhe falenderime.
Po bën fjalime dhe jo veprime.
Po bën fjalime dhe jo financime.
Shqiptarët duan të dëgjojnë qartë sa financime janë vënë në dispozicion?
Sa ekipe shqiptare shpëtimi veprojnë?
Sa vende janë përgatitur për vendosur njerëzit, që kanë mbetur pa shtëpi dhe ku janë dhe si është zgjidhur ushqimi i tyre?
Cilat janë banesat që nuk janë shembur por paraqesin një rrezik aq të lartë sa njerëzit nuk mund të kthehen më në to?
Kryeministri e ka detyrim falenderimin për të gjithë miqtë e mirë, që erdhën nga jashtë për të na ndihmuar por ka disa pyetje për të kuptuar se çfarë nuk ka bërë dhe nuk bën kryeministri:
Pas termetit shumë të fortë të shtatorit pra të 2 muajve më parë: Sa komplete shpëtimi për gjetjen e njerëzve nën rrenoja u blenë?
Si u financua Emergjenca civile me fonde shtesë pas tërmetit të shtatorit për të përballuar situatat e rënda?
Sa financime u miratuan për termetin e shtatorit dhe nëse miratuan të tilla si u përdoren?
Situata kaq e rëndë, që po kalojnë shqiptarët nuk ka nevojë për demostrime cinike dhe neurotike aktrimi të kryeministrit, pra nuk na duhen fjalime por veprimeeee.
