Pas ankthit dhe panikut që ka shoqëruar mbrëmjen e djeshme vendin tonë, edhe sot Shqipëria është zgjuar sërish me tërmete.
Përgjatë orëve të para të mëngjesit, rreth 22 lëkundje të tjera janë ndjerë, edhe pse magnituda ka qenë e ulët.
Vetëm në orën e fundit dy tërmete të tjera janë ndjerë në vend, me epiqendrën pranë Durrësit. 26 persona kanë mbetur të vdekur deri tani, ndërsa kanë pësuar lëndime 657 të tjerë. Qendrat më të goditura kanë qenë Durrësi dhe Thumana. Ndërkohë që prej mëngjesit të djeshëm vijon kërkimi i të mbijetuarve dhe personave të zhdukur nën rrënoja e godinave të shembura në Durrës e Thumanë.