Ish-deputeti i LSI, Petrit Vasili tha se qytetarët shqiptarë janë të shokuar nga ngjarja më e fundit e ndodhur në Aeroportin e Rinasit.
Në një konferencë për mediat, Vasili u shpreh se kjo qeveri e ka dorëzuar shtetin tek krimi, duke i vën damkën Shqipërisë në opinionin e huaj.
“Qytetarët shqiptarë janë të shokuar nga ngjarja më e fundit e ndodhur në Aeroportin e Rinasit ku një grup kriminal demonstroi qartë me veprimet e tij që siguria në këtë aeroport është zero, roli i shtetit në garantimin e kësaj sigurie është sigurisht zero dhe reagimi i shtetit sërish zero. Në vend të reflektimit shteti ka zgjedhur dorëzimin e plotë të shtetit dhe interesave të tij krimit dhe kriminelëve.. Ky shtet tregon se tregon se vendi është në dorë të Zotit, ose më saktë në dorë të kriminelëve, por kurrsesi në dorë të shtetit. Kjo qeveri e ka dorëzuar shtetin tek krimi. I vuri damkën Shqipërisë në opinionin e huaj. Si përherë gjurmët e grabitësve humbasin. Çdo ditë që kjo qeveri qëndron në atë karrike është ditë e zezë për shqiptarët”, vlerësoi Vasili.
