“Skandaloze mungesa e fondeve nga bashkia për krenarinë e kryeqytetit”
Deputeti i LSI-së Petrit Vasili dhe kreu i PDIU-së Shpëtim Idrizi janë shfaqur me kritika të forta ndaj bashkisë së Tiranës për mungesën e fondeve për ekipin e futbollit “Tirana”. Si tifozë të këtij ekipi, Idrizi e Vasili kanë kërkuar nga Bashkia e Tiranës më shumë vëmëndje dhe sponsorizim me fonde për ekipin e Tiranës. “Ndjehem i zhgënjyer si tifoz ” ka thënë Vasili i cili kërkoi nga bashkia e Tiranës të akordojë menjëherë fondet e nevojshme për ekipin e kryeqytetit.
Të njëjtin qëndrim mbajti edhe kreu i PDIU-së, njëherësh nënkryetar i Kuvendit, Shpëtim Idrizi, i cili ka qënë dikur lojtar i këtij ekipi. Idrizi tha se është e papranueshme që bashkia e Tiranës nuk ka dhënë asnjë fond për ekipin e Tiranës që është krenaria e kryeqytetit. Dy deputetët tifozë të Tiranës paralajmëruan lëvizje në mbështetje të ekipit të futbollit Tirana, përmes presionit ndaj bashkisë së Tiranës për t’i dhënë vëmëndjen e duhur ekipit të futbollit Tirana.
