Nga Arben Llalla
Vangjel Dule ka braktisur frontin opozitar të udhëhequr nga Lulzim Basha dhe Kreshnik Spahiu, sepse ka nisur fushatën për zgjedhjet e 18 qershorit.
Më 1 prill ora 19.00 në tavernën “Korifi”, Vangjel Dule mbajti një takim elektoral me emigrantët shqiptarë dhe minoritarë.
Paradite në një nga kafenetë e Selanikut, Vangjel Dule ndaloi për një pije me ish-kryetarin e PASOK, deputetin Evangjelos Venizellos, i cili njihet si njeri i afërt me PS-në.
Sipas burrimeve nga Selaniku Dule i ka kërkuar Venizellos që të ndërhyjë tek Edi Rama që PBDNJ të jetë pjesë e koalicionit të majtë. Kjo kërkesë e Dules mbështetet edhe nga ish-kryetari i degës së PS-së në Selanik, Spiro Janaqit, i cili është njeri i afërt me disa drejtues të PS-së.
Në takimet në Selanik të shtunën dhe të dielën Vangjel Dule pas prishjes së miqësisë me Eleni Dhimu ka qenë i shoqëruar nga një tjetër zonjë, Anxhela Filu, e cila është drejtuese e OMONIA-s dhe e PBDNJ-së në Selanik.
Anxhela Filu ka njohje të forta në partinë greke “Demokracia e Re”.
