Papa Françesku ka reaguar në lidhje me “luftën” që po bëhet për të shpikur një vaksinë kundër Covid.
Ai ka deklaruar se nuk duhet të jenë prioritet të pasurit, por vaksina t’u ofrohet njerëzve më të varfër në botë.
“Sa e trishtueshme do të ishte nëse një vaksinë për Covid-19 do të bëhej prioritet për më të pasurit. Do të ishte e trishtueshme nëse vaksina do të bëhej pronë e disa kombeve dhe jo universale për të gjithë.
Në një anë është shumë e domosdoshme që të gjejmë një kurë për këtë virus të vogël, por të tmerrshëm, që e ka gjunjëzuar të gjithë botën.
Nga ana tjetër, ne duhet të gjejmë një kurë për një virus të madh, atë të padrejtësive sociale, pabarazisë në mundësi, margjinalizimin dhe mungesën e mbrojtjes për më të dobëtit”, tha Papa..
