Ministri i Shëndetësisë Ilir Beqaj dhe Ministri i Brendshëm Saimir Tahiri zhvilluan sot një vizitë në qendrën shëndetësore në Kombinat. Gjatë takimit u prezantua mënyra e re e rioganizimit të urgjencave mjekësore në të cilin u sqarua që autoambulancat do të qëndrojnë në terren në pikat e caktuara.
Beqaj u shpreh se kjo mënyrë organizimi do të bëjë qe koha e vajtjes së urgjencave në destinacion të jetë më e shkurtër.
Ministri u shpreh ndër të tjera që “…në disa pika, – një është në Kombinat, një është tek “21 Dhjetori”, një është në QSUT, një është tek spitali i Traumës, një do të vazhdojë të rrijë aty ku është edhe sot, tek stadiumi “Dinamo”, apo edhe në pika të tjera. Ne të përpiqemi që brenda qyteteve të arrijmë në një standard të pranueshëm rreth 12 minuta”.
Ndërkohë, Tahiri tha se ky shërbim që ka për qëllim tu shërbej të rinjve, të moshuarve, të sëmurëve akutë dhe kronikë, për të gjitha rastet emergjente ka munguar prej vitesh.
“Bashkë me ju, duke filluar nga sot, kemi një shërbim emergjence 24-orë në Kombinat, që ekzaktësisht nuk do jetë vetëm për Kombinatin po i vjen shumë më shpejtë në ndihmë edhe banorëve të Tiranës së Re tashmë, pra Prushit, Vaqarrit, deri në Ndroq.”-shtoi Tahiri.
