Kompania Google ka thirrur anëtarët e stafit të tij, pas urdhërit nga presidenti Donald Trump, që kufizon hyrjen në Shtetet e Bashkuara për qytetarët nga 7 vende me shumicë myslimane.
Kufizimet e reja pritet të kenë një impakt madhor ndaj kompanive teknologjike, që punësojnë persona me aftësi nga e gjithë bota. Mësohet se Google ka thirrur në bazë rreth 100 anëtarë të stafit që jetojnë jashtë Amerikës.
Ndërsa Microsoft ka paralajmëruar aksionerët e saj se, kufizimi i lëvizjes së emigrantëve mund të ketë një impakt material në biznesin e saj.
Nëse urdhëri i Trump do të sjellë kufizim, atëherë kompanitë e teknologjisë mund të rimendojnë se ku të vendosin stafin e tyre në të ardhmen.
