Dikush duhet t’i thotë ambasadores amerikane që prej kohësh është bërë qesharake, teksa me të vetën “jep urdhëra”, por nuk është se ia fërshëllen njeri.
Së fundmi, zonja Yuri Kim, ka dhënë një mesazh “të fortë” për ngritjen e Gjykatës Kushtetuese.
Ambasadorja Kim shkruan që kryeparlamentari Gramoz Ruçi dhe Presidenti Ilir Meta duhet të punojnë urgjentisht me organet përkatëse për ngritjen e kësaj gjykate.
“Falenderoj Metën e Ruçin për iniciativën për Gjykatën Kushtetuese. Ruçi e Meta duhet të punojnë urgjentisht me organet përkatëse për ta bërë këtë gjykatë funksionale para fundit të vitit 2020. Jam dakord me “Venecian” që Ruçi e Meta të punojnë bashkë”, shkruan ambasadorja.
Sapo kanë marrë këtë mesazh numri 1 dhe numri 2 i shtetit kanë rendur të punojnë bashkë tokën e bahçes, se reformën në drejtësi e gatuar sipas ideve edhe të zonjës Kim ka kohë që nuk e vë dot kush në vijë.
Thank you, Pres @ilirmetazyrtar & Speaker Ruci, for making clear that Albania must have a functioning Constitutional Ct NOW. We agree. Considering the Venice Commission opinion, these two leaders should work w/relevant bodies urgently to make this happen before the end of 2020.
— U.S. Ambassador to Albania (@USAmbAlbania) September 18, 2020
