Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

U padit në Gjykatë nga deputetja e PS/ Salianji nxjerr fakte zyrtare ndaj kompanisë “Elcom”

Nga Ejona 0

Përfaqësuesi i PD, Ervin Salianji ka deklaruar sot se do të vazhdoj me denoncimin e aferave korruptive të ministrave dhe deputetëve të PS, pavarësisht padive ndaj tij në gjykatë.

Salianji denoncoi sot me fakte zyrtare në gjyq se si kompania e bashkëshortit të deputetes së PS, Klotilda Bushka Ferhati, e ka rritur aktivitetin me disa herë sapo PS ka marrë pushtetin.

Ai u shpreh se paditja në gjykatë nuk ka për ta ndaluar të denoncojë edhe skandale të tjera. Salianji e cilësoi këtë rast shpërdorim dhe abuzim me pushtetin si rastin e duhur që nxit qytetarët t’i bashkohen protestës së 25 Majit.

“Këta duan të zhvasin, të vjedhin dhe t’u thuash “bravo ju qoftë”. Pasqyrat financiare të kompanisë “Elcom”, kompania e bashkëshortit të deputetes së PS,  në vitin 2012, kur Edi Rama nuk ishte në pushtet, ka patur pothuajse një bilanc negativ ose zero. Me ardhjen e “Rilindjes”, rilindi edhe kompania e familjes së Klotilda Bushkës, duke bërë xhiro mbi 3 miliardë lekë.

Do të nxjerr para publikut edhe afera të tjera që nuk kanë marrë vëmendjen e duhur, për shkak të skandaleve të mëdha të qeverisë, jo vetëm për rastin në fjalë, për kompaninë e familjarit të vet, por edhe për raste të tjera të mbështetjes së personave, që janë përfshirë në pastrim parash apo në raste të ngjashme. Përfaqësuesit e PS të cilëve u janë fryrë xhepat pasi kanë ardhur në pushtet, nuk na trembin dot”- tha Salianji para gazetarëve.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej