Tre shqiptarë kanë rënë në prangat e policisë në Greqi, pasi akuzohen për trafikim të lëndëve narkotike në Athinë dhe armëmbajtje pa leje.
Protothema.gr shkruan se bashkë me tre shqiptarët është arrestuar dhe një shtetas grek.
Policia njofton se ka sekuestruar 10 kilogramë kokainë, 2 pistoleta, euro dhe telefona celularë.
Arrestimi i trafikantëve është bërë në Zografou dhe Vouliagmeni. Shqiptarët janë të moshës 36, 46 dhe 48 vjeç dhe një 45-vjeçar grek, të cilët tashmë do të përballen me akuzën për trafikim të lëndëve narkotike dhe armëmbajtje pa leje.
Të gjithë të arrestuarit u dërguan në Prokurorinë Publike të Athinës.
