Një skandal i paprecedentë ka ndodhur dje në qytetin e Shkodrës, ku gazi i hedhur nga forcat policore ka helmuar rëndë një foshnje 1 muajsh.
Pas kësaj ngjarje ka reaguar edhe daja e nipit 1 muajsh, i cili jep detaje mbi gjendjen e vogëlushit në momentin e helmimit.
“Jam daja e foshnjes 1 muajshe qe u helmua dje nga gazi lotsjellës në Shkodër. Bombulat e gazit lotsjellës u hodhën para derës së shtëpisë sonë. Dritaret ishin të mbyllura dhe po rrinim me kondicioner mgjithatë nipi një muajsh filloi të kishte vështirësi në frymëmarrje, po ngelte pa frymë dhe nxirrte shkumë nga goja.
E morra urgjent në makinë dhe e çova në Spitalin e Shkodrës. Aty morri ndihmën e parë me oksigjeno terapi. Stafi i spitalit ngrinte supet dhe nuk dinte çfarë të bënte me këtë rast të paprecedentë.”- shkruan në denoncim daja e nipit 1 muajsh.
