Policia turke ka arrestuar një komandant të grupit militant të Shtetit Islamik, i cili dyshohet se ka marrë urdhra për të kryer sulme terroriste në Turqi.
“Mahmut Ozden ka pasur plane të rëndësishme dhe ka marrë urdhra për të kryer një sulm”, tha ministri i Brendshëm i Turqisë Suleyman Soylu.
Shteti Islamik e ka shpallur zyrtarisht praninë e tij në Turqi në vitin 2019 dhe ka kryer disa sulme në këtë vend, ndërsa komandanti i ISIS u arrestua në provincën Adana.
“I dyshuari ka marrë vazhdimisht urdhra nga Iraku dhe Siria për të kryer një sulm në Turqi”, tha Soylu
Sipas ministrit, Ozden kishte planifikuar të kryente sulme me një grup prej 10 deri në 12 terroristësh.
