Pesë persona, mes tyre tre fëmijë kanë humbur jetën si pasojë e kontaktit me energjinë elektrike në pishinën e një resorti në Turqi.
Ngjarja ka ndodhur në provincën Sakarya, në qytetin Akyazi, në veri-perëndim të Turqisë.
Tre adoleshentë ishin futur në pishinë të laheshin kur i kapi korenti. Menaxheri i resortit dhe djali i tij u futën në pishinë t’i shpëtonin.
Të pesë të lënduarit u dërguan menjëherë në spital por kanë ndërruar jetë rrugës.
Autoritetet turke kanë nisur menjëherë hetimet për zbardhjen e shkaqeve të ngjarjes së rëndë.
