Kryeministri i Greqisë Tsipras ka dhënë “shuplakën” e radhës, ndërsa nga ana e shtetit shqiptar nuk ka pasur asnjë reagimi. Duke folur për negociatat me Shqipërinë për problemet e vjetra është shprehur prerë se çështja çame nuk ekziston. Ai ka deklaruar gjata konferencës në panairin e Selanikut, se mbështet hapjen e negociatave për Shqipërinë, por më parë Tirana duhet të plotësojë disa kushte.
“Disa përpiqen të fusin nga “dritarja” çështjen çame, por nuk ekziston kjo çështje. Çështjet që do të diskutohen duhet të jenë të zgjedhura mirë dhe me mençuri. Gjithashtu dëgjohen shumë zëra, disa prej tyre nuk kanë asnjë lidhje me realitetin, si për shembull pastrimi dhe mirëmbajtja e piramidave në kufirin tokësor. Disa thanë se ka të bëjë me një përcaktim të rinj të kufijve, por ky proces nuk ka asnjë lidhje me këtë gjë. Negociatat me Shqipërinë janë çështje të vështira, por bisedimet janë në klimë pozitive. Greqia mbështet hapjen e negociatave të anëtarësimit për Shqipërinë, me kusht që Shqipëria të përmbushë angazhimet e veta. Shumë nga këto premtime janë prej viti 2009, si; zonat detare, librat shkollorë dhe ndryshimin e tyre, varrezat dhe të drejtat e minoritetit grek”, tha Alexis Tsipras, kryeministër i Greqisë.
