Policia e Dibrës ka sekuestruar 122 kg kanabis që po trasportohej me kafshë drejt Maqedonisë. Droga ishte futur në 5 çanta, 7 thasë dhe 2 qese të zëza plasmasi.
Shtetasi që transportonte lëndën narkotike pasi ka konstatuar që po e ndiqte policia ka braktisur kafshën me të cilën po trasportone drogën dhe është larguar me shpejtësi duke përfituar nga terreni dhe errësira.
Policia ka bërë të mundur identifikimin dhe shpalljen në kërkim të shtetasit S.I, si autor i dyshuar për transportin e lëndës narkotike.
Prokuroria e Krimeve të Rënda ka nisur hetimet për veprën penale “Trafikim i Narkotikëve”, parashikuar nga neni 283/a i Kodit Penal.
