Të mbijetuar dhe pasardhës kanë risjellë historitë e persekutimit të popullsisë çame gjatë regjimit komunist.
Ditët e kujtesës kësaj here u fokusuan tek persekutimi i popullsisë çame gjatë regjimit komunist. Pasardhësit rrëfyen përndjekjen dhe eliminimin fizik që sistemi u ka bërë familjarëve të tyre, ata kërkojnë nje varrë për ata të cilëve nuk u dihen as eshtrat.
Drejtor i Institutit të Studimeve për Çamërinë, Ahmet Mehmeti solli edhe një herë në kujtesë dosjen e Bilal Xhaferrit, ku në qendër të saj është kritika që Bilal Xhaferi për “Dasmën” e Kadaresë. Edhe pas 76 vitesh Greqi nuk ka kërkuar falje ndaj krimeve dhe genocidit te kryer ndaj popullsise çame.
Ish i persekutuari Simon Mirakaj i cili është njohur gjatë vuajtjes së dënimit me shumë familje çame, thotë se tragjedia e popullsisë çame duhet përfshirë në tekstet shkollore.
Kreu i PDIU, Shpëtim Idrizi e vë theksin te tradhëtia ndaj popullsisë çame. Gjatë regjimit komunist janë persekutuar 200 familje të Çamërisë, 35 persona janë ekzekutua dhe në total janë bërë 1500 vite burg.
