Një 52 vjeçar shqiptar ka përfunduar në prangat e policisë greke për akuzën e përpunimit dhe shitjes së lëndëve narkotike.
Pas verifikimeve se 52-vjeçari së bashku me një shtetase gjeorgjiane përpunonin heroinën dhe pastaj e shisnin në tregun e kryeqytetit, policia bëri të mundur ndalim dhe arrestimin e tyre.
Gjatë kontrollit në shtëpinë e tij, u gjetën të fshehura në një vend të posaçëm në murin e banjës, 3 kilogramë e 151 gramë heroinë, e përpunuar dhe e paketuar.
Gjithashtu u gjetën pajisje që përdoren në përpunimin dhe ambalazhimin e drogës, 3 peshore elektronike, 24 pilula narkotike, 6 telefona celularë, dhe një shumë prej 2.200 eurosh.
