Vrasja e një 18-vjeçari natën vonë, në qendër të Kavallës në Greqi ka tronditur qytetin. Ai u qëllua në shpinë dhe e lanë të vdekur në rrugë mes një lumi gjaku.
Incidenti tragjik ndodhi në Sokratus, pranë kryqëzimit me rrugën “Ptolemeu”, prapa tregut komunal.
Policia citoi qytetarët që kishin dëgjuar të shtënat dhe njerëzit që dolën për të parë se çfarë kishte ndodhur, derisa gjetën trupin e pajetë të të riut.
I riu shqiptar ishte rritur në Kavalla, ku kishte ndjekur gjimnazin dhe më pas kishte nisur shkollën e lartë.
Sipas informacioneve të mediave greke, shqiptari aktivizohej me ekipin e futbollit të Heracles në Kavalla.
Djaloshi mbante në dorë një monedhë 50 euroshe dhe dyshimet janë se merrej me trafikun e drogës.
Policia ka gjetur gëzhojën e plumbit.
Polica ka arrestuar një banor të zonës, si të dyshuar për vrasjen e të riut shqiptar.
