Policia e Tiranës ka vënë në pranga një 36 vjeçar i cili dyshohet të ketë vjedhur sensorë, navigatorë, pasqyra dhe aksesorë të tjerë automjetesh në kryeqytet.
Bëhet me dije se 36 vjeçari ishte zbuluar nga pronari i një automjeti, teksa ai i grabiste navigatorin e makinës. Policia e rajonit Nr 1, ka bërë të mundur kapjen në flagrancë të shtetasit Ingrit Zeqo, 36-vjeç ku me vete i janë gjetur tre kaçavida dhe një palë doreza.
Gjithashtu është shpallur në kërkim bashkëpunëtori i shtetasit të lartë përmendur.
Këta persona në bashkëpunim me njëri-tjetrin vidhnin sensor, navigatorë, pasqyra dhe aksesorë të tjerë automjetesh, të parkuara në zona të ndryshme të Tiranës.
