Policia e Tiranës arrestoi një person dhe shpalli në kërkim një tjetër për prodhimin e pijeve freskuese të falsifikuara.
Gjatë operacionit “Dajti” policia arrestoi shtetasin Genc Brahysa, 34 vjeç, banues në Tiranë, në gjendje të lirë po ndiqet një 36-vjeçare nga Tirana ndërsa është shpallur në kërkim teknologu i firmës.
Në bashkëpunim me Autoritetin Kombëtar të Ushqimit, policia ushtroi kontroll në adresën ku ishte marrë informacion se këta persona prodhonin pije freskuese pa licencë edhe më pas i tregtonin ato, në mënyrë të jashtëligjshme.
Punishtja ishte e fshehur në ambientet e një magazine, ku u sekuestruan 3 048 pije freskuese të ambalazhuara, të gatshme për tregtim, 1 makineri artizanale për prodhimin e pijeve, 1 presë për stampimin e vulave të skadencës, 8.5 kg koncentrat me afat të skaduar, sasi aromatizuesi dhe esence si dhe etiketa për lëng pjeshke, limoni, pjepri dhe pije energjike.
