Para 3 ditëve avioni ku udhëtonin Ramush Haradinaj, Kadri Veseli, Behxhet Pacolli dhe Fatmir Limaj, kaloi në hapësirën ajrore të Malit të Zi, në një pjesë e cila kontrollohet nga shteti serb. Një gabim teknik nga kulla ajrore e Tiranës ka qenë shkaktar i incidentit.
Zv.kryeministri dhe ministri i Jashtëm i Kosovës, Behxhet Pacolli, ka treguar çfarë ndodhi 3 ditë më parë në avionin ku udhëtonin 4 liderët kosovarë drejt Brukselit.
“Në moment unë e kam dëgjuar pilotin duke folur me Beogradin dhe në moment i kam thënë ndalu dhe kthehu prapa. Diku kemi qenë nja 15 minuta fluturim në drejtim të Beogradit. Duhet të ketë qenë një gabim dhe kam kërkuar një hetim që tashmë ka filluar. Bile bile se duhet m’u dhanë një arsyetim për kthim dhe është dashur me thanë se dikush prej pasagjerëve është sëmurë”, tha Pacolli.
