Brenda 15 shkurtit pritet marrëveshja e partive të koalcionit qeverisës, synohet marrëveshje edhe me opozitën
Hashim Thaçi drejt garantimit të postit të presidentit të Kosovës. Koalicioni qeverisës në Kosovë është drejt kompromisit për kandidaturën e Hashim Thaçit. Mediat kosovare bëjnë të ditur se po synohet kompromis edhe me opozitën me qëllim që të mos pengojnë zhvillimin e seancës parlamentare në votimin e presidentit.
Ndërkohë që Hashim Thaçi ka deklaruar se ka marrë mbështetjen për kandidimin në këtë post edhe nga sekretari amerikan i Shtetit John Kerry. Thaçi është shprehur gjithashtu se gjithçka do të marrë fund brenda 15 ditëve të para të muajit shkurt, në se do të respektohen të gjitha procedurat kushtetuese.
