Spitali i Laçit u shpall përkohësisht i pabanueshëm disa ditë pas tërmetit, ndërsa pacientët u transferuan në Lezhë dhe shërbimi ambulatorë e urgjenca u përshtat në çadër.
Përmes një postimi në rrjetin social Facebook, mjekja pediatre e këtij spitali, Jetmira Tusha ka shkruar se kanë kaluar 7 muaj që nga ajo ditë, dhe spitali ka mbetur i paprekur.
“Kjo është bebja jonë e lindur me dt 6/6/2020 ora1. Një vajzë e bukur. Faleminderit gocave të mija Angjelina, Albiona, Elona, Drita. Sidomos dy mamive Rexhina dhe Mira. Sikur ta dinin në çfarë kushtesh e kemi prit këtë beb do nxitonin të na ndërtonin spitalin” .
Sipas vlerësimit të ekspertëve, dëmet në spitalin e Laçit nuk e rrezikonin ndërtesën, por ai nuk do të hapej pa rikonstruksion.
