Në vijim të punës për parandalimin e kultivimit të bimëve narkotike policia e Tepelenës ka zbuluar dhe asgjesuar me anë të djegies 2493 rrënjë të bimëve narkotike të llojit Cannabis Sattiva ku janë arrestuar dy persona ndërsa një i tretë është shpallur në kërkim.
Efektivë të komisariatit të Tepelenës arrestuan në flagrancë A. Elmazin 18 vjeç, ndërsa u shpall në kërkim babai i tij, R.Elmazi. Atyre iu gjetën 313 bimë narkotike të mbjella në bahçen e tyre në fshatin Hormovë. Bimët narkotike u asgjësuan në vend me anë të djegies dhe një pjesë e tyre, u morën në cilësinë e provës materiale.
Ndërkohë në Përmet janë zbuluar e asgjësuar 2180 bimë narkotike që ishin kultivuar në dy parcela të hapura rrishatz në pyll, në vendin e quajtur “Përroi i Alipostivanit” , në fshatin Alipostivan. Efektivët e komisariatit të Policisë Përmet kanë arrestuar në flagrancë shtetasin Sokrat Bedaj , 34 vjeç, banues në Sarandë, i dyshuar si autor i kultivimit të lëndës narkotike. Materialet i kaluan Prokurorisë së Rrethit Gjyqësor Përmet për veprën penale “Kultivim i bimëve narkotike”.
