Alki David, i njohur si pronari i Coca-Colës greke është arrestuar së bashku me partneren Chase Ergen sepse donin të transportonin ilegalisht 5000 rrënjë kanabis.
Sipas Daily Mail, ata u ndaluan nga zyrtarët e doganave pas uljes së avionit dhe u mbajtën 8 orë përpara se të liroheshin. Pas lirimit, David dhe Ergen u përpoqën të largoheshin nga ishulli por kanë rënë sërish në prangat e policisë.
Vlera e kanabisit kapte shifrën e 1.3 milionë dollarëve.
David gjithashtu ka një biznes që merret me shitjen e vajit të kanabisit, të cilin e tregton si substancë kuruese për disa sëmundje.
