Tenori shqiptar i skenave botërore, Ramë Lahaj, ka zbuluar se para 20 viteve ka qenë ushtar i Ushtrisë Çlirimtare të Kosovës.
Tenori nga Istogu i Kosovës, ka publikuar një fotografi të 20 viteve më parë, ku shihet me emblemën e UÇK-së dhe me një armë në dorë.
Lahaj shkruan: “20 vjet ndryshim. Ushtar në luftë, ushtar në paqe. Bonu luftëtar i fuqishëm i jetës tande dhe fito të gjitha betejat që ia ke vënë vetës për synim. Projekto dhe realizo strategjinë për luftën tande. Mos u bon qyqar e me kalu kohën tuj u ankue se jeta asht e vështirë dhe hiç gjë s’shkon qysh duhet! Bonu ushtar i denjë dhe mos lë front të ëndërrave të tua pa e fitue.
Kësaj herë t’fala nga Opera e Barcelonës, një prej fronteve të mia që sot më bon krenar që e fitova me nder.
Foto e marrë gjatë luftës në Kosovë. Viti 1999 dhe tjetra gjatë paqes në Barcelonë. Viti 2019.”
