Nga Dritan Kaba
Anal-istët e “shqetësuar” për pemët fallco apo xhamat si nuk kanë artikuluar një gërmë për ato qindra milionë euro të humbura në gjyqe nga kjo qeveri dhe “idhulli” i tyre i borderos së pagave, Edi Rama!
Askush nga këto vemje nuk ka “qarë” për ato qindra milion euro që duhet të paguajnë shqiptarët për shkak të korrupsionit dhe arrogancës kriminale të kësaj qeverie që i mban këta ndyrësira, “edhe me akullore edhe me çokollatë”.
Asnjë fjalë nuk kanë thënë këta “të indinjuarit” e mëdhenj për drogën, për tenderat fiktive, për shkatërrimin e biznesit të vogël dhe të mesëm, për fermerët të lënë në pikë të hallit, për pagesat e shkollave nga studentet, për naftëtarët, për minatorët.
Këta janë pasqyra më e mirë e së keqes që ka zënë Shqipërine edhe shqiptarët nga fyti, që ka zënë demokracinë në çark, që po mbyt lirinë e njerezve të thjeshtë për të punuar dhe jetuar si qytetarë të denjë në mes të Evropës.
Asnjë fjalë nuk kanë guxuar të shprehin për tradhëtinë kombëtare të “idhullit” të tyre, me çeshtjen e kufijve të Kosovës dhe me çeshtjen e marrveshjes së Detit me Greqinë kundër interesave të vendit.
Janë pikërisht këto lloj vemjesh, pa moral, pa dinjitet, pa skrupull që janë bashkëpunëtorët më të zellshëm të kësaj qeverie antikombëtare.
Do kërkoja nga qytetarët e lirë, që nuk duan të kthehen në skllevër modernë, t’i përbuzin, të mos i ndjekin në televizione, t’i bojkotojnë!
