Kryeministri Edi Rama është pritur në një takim informal nga Presidenti i Këshillit Europian Charles Michel në Bruksel para takimit informalt mes krerëve të BE dhe Ballkanit Perëndimor.
Në këtë takim do të diskutohet problematikat në Ballkanin Perëndimor midis vendeve por edhe metodologjia e re e zgjerimit e cila prek të gjitha vendet që aspirojnë për në BE.
Por Rama në Bruksel ndodhet edhe për Konferencën e Donatorëve ku pret që të mbledhë një shumë donacionesh sipas pritshmërive të tija. Por ministri i Rindërtimit, Arben Ahmetaj zbuloi sot se pritshmëritë për Konferencën e Donatorëve janë 300- 350 milion euro të cilat do të shkojnë për banesat e reja për të prekurit nga tërmeti i 26 nëntorit të 2019.
