Ish-ministri i Brendshëm, Saimir Tahiri ka njoftuar një konferencë për mediat në orën 16:00.
Dalja e Tahirit për mediat vjen pas arrestimit të Moisi Habilajt në Itali i cili sipas opozitës është kushëriri i ish-ministrit të Brendshëm.
Tahiri akuzohet nga PD se është i lidhur me trafikun e drogës të organizuar Habilajt, vëllait të të cilit, ai i ka vënë në dispozicion edhe “Audin” e tij.
Një ditë më parë, policia italiane ka shkatërruar një grup kriminal të trafikut të drogës në përbërje të të cilit ishte edhe Moisi Habilaj, vëllai i Artan Habilajt, të cilët sipas opozitës janë kushërinj të ish-ministrit të Brendshëm.
Mister mbeten katër personat e tjerë, të cilët janë shqiptarë, të lidhur me organizatën e trafikut të drogës e cila dyshohet se ka trafikuar lëndë narkotike dhe armë në vlerën 20 milionë euro.
