“Reforma në drejtësi mori një votë pro në parim nga PD. Ne nuk po kushtëzojmë asgjë”
Deputetjas demokrate, Jorida Tabaku, thotë se Partia Demokratike nuk do të kushtëzojë reformën në Drejtësi me atë zgjedhore. Në një intervistë për Ora News, Tabaku qartësoi qëndrimin e selisë blu e cila në mbledhjen e grupit kuvendor e vendosi Reformën Zgjedhore në krye te listës se prioriteteve. “Reforma në drejtësi mori sot një votë pro në parim nga PD. Ne nuk po kushtëzojmë asgjë.Vota pro reformës në drejtësi ka qenë një sinjal i qartë se ne nuk jemi si opozita e djeshme”, tha Tabaku. Ajo konfirmoi qëndrimet e ndryshme brenda grupit të PD për mbledhjen e paralajmëruar me ambasadorët e SHBA dhe BE, për të cilën thotë se ende nuk ka një njoftim zyrtar kur do të ndodhë
“Pati mendime të ndryshme për prezencën e ambasadorëve. Disa nga deputetet e kanë bërë qëndrimin public. Nuk ka një njoftim për mbledhjet me ambasadorët, por PD nuk ka kompleks nëse ambasadorët do të shkojnë të PS, LSI sipas rradhës së deputetëve në Kuvend, sigurisht që le të vijnë edhe në mbledhjen tonë të grupit të PD”, tha Tabaku.
