Kryetari i Partisë Demokratike, Lulzim Basha i ka kthyer përgjigje kryeministrit Rama, i cili më herët u shpreh se opozita është e destinuar që të degradojë.
Përmes një postimi në rrjetet sociale, Basha shkruan se në vend që të marrë masa kundër pandemisë, vazhdon të paguajë klientët e tij dhe të sulmojë opozitën që i nxori faktet.
Më tej, Basha u ndal edhe tek ajo që ai e quan “mafia e plehrave”, duke thënë se Rama vazhdon që të paguajë klientët e tij dhe ka humbur kontrollin e pandemisë së koronavirusit.
“Numri i të infektuarve me covid po thyen rekordet. Me qindra njerëz kanë humbur jetën dhe fatkeqësisht shumë të tjerë janë në rrezik. Në vend që të marrë masa dhe të ketë një plan kundër pandemisë, Rama vazhdon të paguajë klientët e tij dhe të sulmojë opozitën që i nxori faktet.
Në vend që të shtojë mjekët, infermierët e shtretërit në spitale, ja jep milionat mafias së plehrave. Rama e ka humbur kontrollin ndaj pandemisë. Pasi shkatërroi ekonominë, tani ai po shkatërron jetët dhe shëndetin e njerëzve. Bashkë do ta mundim këtë të keqe e do ta shërojmë vendin”, shkruan Basha.
