Sulmet ndaj banorëve të Astirit/ PDIU: Rama përdori terror për të shuar çdo vatër tjetër të rezistencës qytetare

Pas sulmeve të policisë ndaj banorëve të Astirit, Partia Drejtësi Integrim dhe Unitet është solidarizuar me banorët duke u shprehur se ky ishte akti i i fundit i dramës së filluar dy vite më pare.

Në një deklaratë për mediat, PDIU thekson se dhuna dhe përdorimi i gazit helmues në shtëpitë e shqiptarëve është një akt i patolerueshëm e i dënueshëm nga cdo ligj ndërkombëtar dhe njerëzor.

Më tej PDIU vlerëson qëndrimin dhe rezistencën e banorëve ndaj një autokrati që ka 21 vite në pushtet dhe i siguron ata se me ardhjen e opozitës së sotme në pushtet do të marrin gjithë dëmshpërblimmin që u takon.

Deklaratë për media e PDIU:

Sot ne shtëpitë e banorëve të Astirit u konsumua dhe akti i fundit i drames së filluar dy vite më parë. Rilindasi Rama plotësoi trekëndëshin dhunë krim e korrupsion me trajtimin çnjerëzor që i bëri grave, burrave, femijëve e të moshuarve banorë të Astirit. Dhuna dhe përdorimi i gazit helmues në shtëpitë e shqiptarëve është një akt i patolerueshëm e i dënueshëm nga cdo ligj ndërkombëtar dhe njerëzor.

Ndërsa konsumon milionat e megaskandalit të vjedhjes së shekullit të Unazës së Astirit, ai u mohon edhe therrimet banorëve të Astirit që po mbrojnë banesat e tyre. 40 milionët e vjedhura në këtë meegaskandal do të mjaftonin disa herë që banorët të dëmshpërbleheshin denjësisht po për Edi Ramën nuk ka asnjë rëndësi kompromisi dhe zgjidhja paqësore e konfliktit. Ne vend të një zgjidhjeje komprommisi u zgjodh dhuna dhe terrori me qëllimin e vetëm që bashkë me Astirin të shuhej cdo vatër e reagimit dhe rezistencës qytetare.

Pa asnjë dyshim qytetarët do marrin gjithë dëmshpërblimmin që i përket nga qeverisja e ardhshme e opozitës së sotme por kjo vatër rezistence qytetare do mbetet në historinë politike shqiptare si rasti më i mirë i reagimit qytetar ndaj një autokrati që ka 21 vite në pushtet e që sot duhet të mbajë përgjegjësi për gjendjen në vend si ish-ministër kulture, si ish-kryetar bashkie e sot si kryeministër.