Ata që kanë humbur jetën nga koronavirusi në Britaninë e Madhe mund të jenë rreth 40 mijë, dyfishi i shifrës zyrtare komunikuar nga qeveria, raporton Corriere ditën e sotme që i referohet konkluzionit të nxjerrë nga Financial Times, që ka bërë një studim mbi të dhënat e të martës nga Zyra e statistikave, sipas të cilave, numri i dhënë nga autoritetet prej 17,337 të vdekur duhet të jetë më i lartë me 40 përqind duke marrë në konsideratë edhe ata që kanë vdekur në shtëpi, apo në shtëpitë e pleqve, që nuk përfshihen në buletinet qeveritare.
Por sipas zyrës së statistikave, janë rreth 24 mijë të vdekur, një e dhënë “italiane”. Por Financial Times argumenton që edhe kjo e dhënë është shumë e kujdesshme ndërkohë që shifra reale e viktimave të koronavirusit është 41 mijë.
Të dhënat tregojnë se në javën nga 10 prilli ishin regjistruar në Angli më shumë se 18 të vdekur në total, me një rritje prej 75 përqind. FT ka eksploruar të dhënat duke i krahasuar me vdekjet në spital dhe arrin në konkluzionin e 41 mijë të vdekurve nga covid.
Duhet precizuar se bëhet fjalë për të dhëna statistikore, jo të dhënat reale të certifikuara. Duhet theksuar se qeveria britanike ishte e fundit që mori masa për coronavirusin ndërkohë që qeveria e Boris Johnson ka në strategjinë e vet gjetjen e vaksinës për covid 19.
Nesër, të enjten në 23 prill, do të fillojnë testet e para tek njeriu në Universitetin e Oksfordit dhe qeveria ka lajmëruar për një financim prej 20 milionë stërlinash për kërkimin, dhe 22.5 milionë të tjera për kërkime paralele që drejtohen nga Imperial College. Dhe këtu në këtë drejtim, Anglia është e vonuar sepse në SHBA dhe Kinë testet mbi njeriun janë bërë që para 4 javësh.
Rrisku për qeverinë është të mos arrijë të mbajë premtimet pasi ka dështuar në objektivin për të kryer 100 mijë tampone në ditë.
Përse na zhgënjeve, ne që të besuam! –
Aktori dhe regjisori I njohur shqiptar, Mevlan Shanaj i është drejtuar me një letër të hapur kryeministrit Edi Rama, përmes...
