Deputeti i Partisë Demokratike, Saimir Korreshi i është bashkuar protestës para kryeministrisë kundër rritje së çmimeve. Ai ka qenë gjithmonë kritik ndaj qeverisë duke vënë në dukje problemet konkrete të qytetarëve. Ndërkohë, ditën e sotme ai ka bërë me dije ka dalë në shesh si qytetar bashkë me familjen e tij dhe jo si politikan. Shembull solli ndryshimin e çmimit të naftës tri herë brenda natës. Ndërsa bëri thirrje që protestat të vazhdojnë, pasi duhet t’u jepet fund abuzimeve.
“Po protestoj si qytetar i thjeshtë me familjen time. Është një abuzim i madh ku brenda natës ndërrohet tre herë çmimi i naftës çfarë mund të thuash kur gjithë njerëzit vuajnë, kur fermerët vuajnë, ku çdo gjë ka prekur fundin. Nuk e di çfarë mund të them. Por njerëzit qenkan, nuk e di.., në këto zgjedhje votuan përsëri Edi Ramën, ndoshta nga frika, dhuna e presioni. Unë i përgjigjem thirrjeve të çdo qytetari në çdo kohë, moment apo stinë. Më vjen mirë që qytetarët reagojnë. Ka humbur shtresa e mesme”, tha ai. Ndërsa shtoi se sot qytetarët nuk protestojnë për bindje politike por për dinjitetin e tyre.
