Ikona e basketbollit dhe sportit botëror Kobi Brajan ka humbur tragjikisht jetën ditën e sotme në Kaliforni.
Mediat amerikane shkruajnë se helikopteri me të cilin fluturonte ish-kampioni i Los Anxhelos Lejkërs është përplasur dhe ka marrë flakë. Të 5 personat në bord kanë humbur jetën.
Autoritetet amerikane kanë nisur një hetim rreth këtij aksidenti fatal.
Nga ana tjetër, e gjithë bota ka nisur të shprehë pikëllimin dhe dhimbjen për ndarjen nga jeta të njërit prej sportistëve më të suksesshëm në histori. Brajan ishte 41-vjeç dhe la pas gruan me 3 vajzat.
Në karrierën 20-vjeçare, Brajan fitoi 5 tituj kampion të NBA. Ai u shpall “Basketbollisti më i mirë” për vitin 2008. Brajan mbetet ikonë e Los Anxhelos Lejkërs.
