Kuvendi do të miratojë sot “paketën antishpifje” e cila është kundërshtuar fort nga gazetarët, aktivistët, analistët por edhe organizmat ndërkombëtare. Ndërkohë, gazetarë të ndryshëm, aktivistë dhe analistë, mbështetur dhe nga opozita jashtë parlamentit, do të zhvillojnë paraditen e sotme një protestë kundër këtij projekt ligji.
Protesta kundër paketës antishpifje pritet të nisë në orën 09:30, para Parlamentit.
Gazetarët dhe aktivistët në protestë, pretendojnë se paketa anti shpifje nuk i jep zgjidhje lajmeve të rreme dhe shpifjeve, siç pretendon qeveria, por është përpjekje për të kapur median online.
Ndërkohë përpara parlamentit janë vendosur forcat policore dhe disa deputetë kanë hyrë brenda ambienteve.
