Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Skandali/Si Duka e ka përdorur FSHF-në për interesa politike

Nga Klodiana 0

Ditët e fundit po qarkullon emri i ish-kryeministrit Bashkim Fino, si kandidat i mundshëm për president të FSHF-së. Media apo personazhe të caktuara, e kanë konsideruar si një tentativë të politikës, për të pushtuar sportin.

Por, në fakt, duket se është një “tezë” e gabuar për të tentuar që të dëmtohet imazhi i një kandidati, i cili akoma nuk është shprehur nëse do jetë apo jo kundër Dukës. Nga ana tjetër, duhet evidentuar se si presidenti aktual i Federatës Shqiptare të Futbollit e ka politizuar futbollin dhe e ka përdorur pozicionin e tij për interesa personale politike.

Së pari, vëllai i presidentit të FSHF-së, Agron Duka, është gjithashtu politikan, madje kryetar i Partisë Agrare Ambientaliste. Një pozicion me më shumë përgjegjësi se sa deputet i një Qarku.

Gjithsesi, problemi mbi të gjitha qëndron te fakti se si Armand Duka e ka përdorur pozicionin e presidentit të FSHF-së politikisht, e cila pasqyrohet edhe në faktet e mëposhtme nga “Vipsport.al”.

FSHF PJESËMARRËSE NË KONVENTËN E PARTISË AGRARE AMBIENTALISTE

Është e pajustifikueshme dhe skandaloze, se si presidenti i FSHF-së dhe të gjithë drejtuesit më të lartë të Federatës, mori pjesë në Konventën e Partisë Agrare, ku kryetar është vëllai i tij. Një politizim i hapur i FSHF-së dhe një mbështetje, duke shfrytëzuar imazhin e pozicionit që ka. Sikur të mos mjaftonte vetëm fakti që në Konventën e Partisë Agrare Ambientaliste të ishte presidenti i FSHF-së, por ai ka marrë me vete edhe sekretarin e Përgjithshëm të FSHF-së, Ilir Shulku, menaxherin e ekipit Kombëtar në atë kohë, Alban Bushi dhe anëtarin e Komitetin Ekzekutiv, Arben Dervishaj. Një shpërdorim i qartë detyre prej të gjithë këtyre funksionarëve, duke marrë pjesë në tubime politike. Aq më tepër që Partia respektive është edhe e vëllait të presidentit të FSHF-së.

DUKA FUSHATË POLITIKE PËR KRYETARIN E BASHKISË KOLONJË

Sikur të mos mjaftonte vetëm pjesëmarrja në Konventën e Partisë Agrare, por presidenti i FSHF-së, nuk ka nguruar edhe të bëjë takime politike, duke marrë me vete edhe personazhe të sportit. Më poshtë, janë fotot kur ai, sëbashku me ortakun e tij në biznes, ish-presidentin e Skënderbeut, Agim Zeqo dhe ish-kapitenin e ekipit korçar në atë kohë, Bledi Shkëmbi, bën takim në mes të qytetit të Ersekës me kandidatin për kryetar bashkie, Dritan Hajro. Hajro ishte kandidat për Kryetar Bashkie nën siglën e Partisë Agrare Ambientaliste, kryetar i së cilës është vëllai i Armand Dukës, Agroni. Një tjetër shpërdorim detyre, për pozicionin që ai mban.

SHKELJA E HAPUR E STATUTIT TË FSHF-së

Në kreun III, RREGULLA TË PËRGJITHSHME të Statutit, pika 3 thuhet:

Federata është asnjëanëse në çështjet politike dhe fetare.Një pikë shumë e rëndësishme, e cila është shkelur hapur, pasi jo vetëm ka qenë president ii FSHF-së në takime elektorale, por të përfshirë në takime politike kanë qenë edhe funksionarët e tjerë, Ilir Shulku, Alban Bushi dhe Arben Dervishaj.

/Vipsport.al

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej