Një skandal i vërtetë raportohet nga kufiri i gjelbër në Gjirokastër, ku një 20-vjeçare shtatëzënë ka shfaqur probleme me shëndetin, ndërsa i është bërë tamponi për COVID-19.
E reja, e cila është në muajt e parë të shtatzënisë, ka patur temperaturë të lartë, ndërsa prej orësh të tëra ishte dhe e paushqyer, në pritje të marrjes së vendimit, për të hyrë në tokën shqiptare.
Bashkëshorti i saj ka denoncuar që policia kufitare i ka kërkuar 600 euro, në mënyrë që t’i akomodojnë në një nga hotelet e zonës, sa kohë që nuk ka një vendim të dytë nga ana e qeverisë.
Burime të Syri TV thonë se pas publikimit të rastit, u vendos që çifti të akomodohet në një hotel në rrugën Gjirokastër-Tepelenë.
/syri.net/
